قِدْ لي سنين أنساك واغتاب صمتك

واثْرِي أكوّم في الحشا صوت وِشْجون

تِشْرِق وانا بك أنطفي لا ذكرْتِك

وتْفِزّ في صدري مثل نَصْل مَجْنون

أي والله انّي مِنْ رَحَلْت افتقدتك

والبِعْد: مُرّ وْدون مبدا و(ملسون!)

مِن مِتّ مات العمر كلّه ومِتِّك

حتى ولا ادري وين بالأرض مَدْفون!

البارحه: شِفْتِك.. مِثِلْ ما تَرَكْتِك

في عين غيري حلْم وبْحِلْمي عْيون

البارحه: لو كنْت أقدَرْ نطَقْتِك

لو يطْلَع اسمِك من فَمِيْ غير موزون

البارحه: طاريك مَرّ وْسَهَرْتِك..

في حِزْن واذكر ضحْكِتِك بَرْق وِمْزون

البارحه: لاذ اليباس بْشِجَرْتِك

وِتْساقِطَتْ تحته عصافير وِغْصون