تْعَطَّر التفكير مسكٍ ويشموم
من هاجسٍ يرسِلْ عبيره وفلّه
وانساق وزن القافيه شِعر منظوم
عقب الخبر في المحتفل واحتفل له
عقب أعلنوا عبر الاذاعات مَرْسوم
فوز الحصان اللي يِشرِّف سجِلّه
مبروك فوز السبق يا نسل (مكتوم)
تستاهل الناموس والفوز كلّه
مثلك يا (ابو راشد) على المجد مفطوم
شيخٍ وجودك من جدودك جِبِلْ له
يا ابن الحرار الجارحه مِبْعِدْ الحوم
يا نادرٍ تنعم (دبيٍ) بْظلّه
يا (محمد المكتوم) يا فارس القوم
العز في يمناك سيفه تسلّه
في القاهره حطّمت الارقام برقوم
وبارض (المنامه) جبت دِقّه وجلّه
رفعت قَدْر العُرْب في دِيْرة الروم
رقمٍ صعب ما قبلك أحْدٍ وصل له
يا شاعرٍ في الشِّعر لك ذوق وِرْسوم
قافك جزيل وفي الثريّا محَلّه
والخاتمه قافٍ من الفكر مختوم
جاك وتقبّل ياسمينه وفلّه