الثقه من صاحب اليمنى السخيّه

لى على شعبه سما خير وعداله

نهر فايض خير وِمْزونه رهيّه

ما يحاسب كم راح وكم جا له

(بوسعيد) المجد والنفس الزكيّه

شيخنا (مكتوم) نادرةٍ خصاله

إن وقف توقف مَعَهْ كل الرعيّه

وان جَلَسْ تَجْلِسْ مَعَه قَدْر وْجلاله

والتهاني لْسيّدتنا الهاشميّه

بنت ياللى للعلا مَيَّل عقاله

وهي قرينة فارس الدنيا البهيّه

السياسه والقياده والشكاله

وجاهل التاريخ ما عنده دريّه

ما يعَرْف أن العَرَبْ راس البساله

القياده والفروسه يعربيّه

(بنت الازْوَرْ) فارسة عصر الرساله

وكم عذرا تورِدْ لْحوض المنيّه

يوم ولد اللاش يجْفل من ظلاله

بالرماح وبالسيوف الصيرميّه

كم فارس في الوغى قصّن حباله