شعر: محمد المر بالعبد

سلامي على اللي وثّق المجد من صوبين

رمى بالكلام وْ وَثَّقْ القول بافعاله

من الطرز الاوّل.. مش من الطرز رقم اثنين

يوثّق كلامه بالفعل كلّما قاله

رهي .. عن شماله ما ترد الكرام يْمين

ويكرِم ولا تدري يمينه عن شْمَاله

وله أسم واحد وان شطرته يصير اسمين

يفازع من يودّه وويفْزِعْ من احتاله

وله أسم سامي من لدى آله السامين

مداه السحاب و(آل مكتوم) من آله

و(حمدان) ما خفنا من آله تصيبه عين

نخاف السحب تحسد مقامه وترقى له

فتى السبق في طَرْق المِثَل والرمك والهين

ولا هْناك درب يْخَلِّد العِز ما ناله

تعجّبت من ناسٍ لفوا صوبه مْهَنّيين

على السبق هَنّوا فارسٍ سابق أجياله

نهنّي به انفسنا ونماري به الوافين

ونفخر بمثله لو من النادر أمثاله

تصَدَّرْ وهو ما قِدْ بَلَغْ سِنّه العشرين

ولازالت أقرانه من البعد تختاله

تخاله كما نجمٍ تجدّى به السارين

تجدّى به وتبْلَغْ مداها من أفضاله

يجدّي خياله عين.. ويقطع نواله دين

ولا يخيب من جا له.. ولا يْرِد من ساله

وكم حمل عيّوا لا يشيلونه المرهين

رماه الزمان وفَزّ (بو راشد) وشاله

وكم حر فَز وساق عزمه على جْناحين

يبى يلحَق الحر النداوي.. ولا طاله