كفو للعَرَبْ فارس وقايد وْنِعْم الصيت
تغنّى بك التاريخ والوقت يِشْهَد لك
قيادي نَعَمْ بافعال يمناك ما استكفيت
شموخ المعالي من فعالك تسيّد لك
بوصفك يلو نا قلت ما قلت ما وفّيت
شهاده على ما اقول علمك مأكِّدْ لك
من الغرب واهل الدار علمك يجي تثبيت
بعيد الهقاوي نظرتك ما تحدّد لك
تصيب الهدف ضاري إلى منّك استوحيت
طموح ومواقف فايقه ما تعدّد لك
إلى قدت فرسانك على النايفه عَدّيت
على ما رسمت وقلت (حمدان) يجّد لك
على ما هزرت وحسب ظنّك وما ظنّيت
بقو العزيمه من عزومك تجهّد لك
على رسم خطّة صاحب الفعل والتصويت
تطيع الصعايب تحت يمناك تسجد لك
إذا ما نحَتّ أفكار شِعْري ولك هنّيت
على الفعل (بو راشد) قوافيه عدّت لك
فلا ني من الحَيين واحسب حساب الميت
تموت المشاعر كانها ما تغنّت لك
إذا قلت في غيرك تصعّب مجال البيت
تشح القوافي صوب غيرك وتاجد لك
واذا جيت في وصفك تجيني على ما شيت
كمال الوصايف والمدايح تودّد لك