بنت الملوك

شعر: نجاح المساعيد

مهداة إلى سمو الأميرة هيا بنت الحسين حفظها الله تعالى ورعاها

سِرْ يا قَلَمْ واتْخَبَّرْ القلب يَنْبيك

واحْفِظْ كلامي وْوَثّقه فوق قرطاس

وْخِذْ حَر شوقي واسْكبِهْ في معانيك

سَبْك الذَّهَبْ وِيْزَيِّنْ عْقود الالماس

في اللى لها تهدي خوافِي خوافيك

الساكنه في الروح مَعْ نَبْض الاحساس

الفارسه وِلْهَا على القلب تَمْلِيْك

حبّي لها يجري بدَمِّي والانفاس

بِنْت الملوك إن مَرّني يوم طاريك

يفِزْ لِكْ في داخِلْ القَلْب هوجاس

يزدان بِكْ قافٍ رقى واعْتَلَى بِيْك

وانتي تعَلّيتي على قِب الافراس

غيرك مَلَكْ ملْكٍ تملَّكْ بتمليك

وانته مَلَكْت قْلوب وِشْعور واحساس

لا تْصَدِّقْ اللى قال إنّهْ يخَلِّيْك

ما اقْدَرْ على فَرْقَاكْ يا أقْرَبْ النَّاس

بيني وْبَيْنِكْ حال عاذِلْ بتشكيك

إحْذَرْ قبل ما تَنْزِلْ الفاس بالراس

أشوف في وَجْهِكْ حلاوَةْ مَعَانيك

كأنّ وَجْهِكْ روض به كل الاجْنَاسْ

مِنْك الطبيعه زَيْنَهَا مِنْ معاطيك

صيف وْشِتَا وَصْلِكْ وْبِعْدِكْ بالِقْيَاسْ

انته ربيع ألوان زينك يحَلِّيْك

وخريف هجرك يَتْرِكْ القلب يَبَّاس

يا (ام الجليله) عاليه في مَغَانِيْك

يا من سلالة من تسيَّدْ على الناس

مَجْدٍ تشيلينه وْمَجْدٍ يباريك

والجامع المجدين يَبْشِرْ بنوماس

عَز الله إن الله يحبّك وْيَغْلِيْك

دامِكْ حَرَمْ من هو جدوده (بني ياس)

(مْحَمَّدْ) اللى طال عسر المساليك

سِيْد الحَرار الشِّقْر في كل مِفْراس

الله يديم أنْسِكْ وْينْصِرْ مباديك

إعداد ما لِمْس الحَرَمْ كَف لَمَّاسْ