يا بَهْجَةْ الروح يا غالي وِشْ مْغَلِّيْك

يا بو دَعَايا زِرِقْ وِسْوادهن جاني

خَلَّيتني في الحب مطرب وْمِغْرَمْ فيك

وان غِبْت عَنِّي لذيذ النوم ما ياني

هايم بِحِبّك وانْشِدْ (الكوس) يوم اتْيِيْك

لى من ضُوَاني الليل بالهَم سَهْراني

خصْرِك معَزَّلْ وْشَعْرِكْ ياللّى يْغَطِّيْك

عليك من خَشْف الدِّمِنْ رَيْت ميشاني

يا هايف الطول هَيِّدْ لي وْبَاصافيك

ماني مدَوِّرْ مِنْك.. غير شِيْفَةْ أعْيَاني

انته شَرَى البدر ياللى من ظَهَرْ يَغْشِيْك

يِشِعّ نوره مِثِلْ بَرَّاقْ الامزاني

يا ما حَلا الوَرْد يا للى تِزْرَعه بِيْدَيْك

يهِب له مِ الياه ويْجِيْه ذَنَّاني

لو باتخَلِّيني أنَا حيث ما اخَلِّيْك

ولا ابَدِّلْ بْحَد غيرك في الهوى انساني