بابْتِعِدْ عن دَرْب حبّك بَعْد ما إنتي رَخَصْتي
وابتدي رحله جديده وابتدي حِبٍ جديد
لو سمحتي.. لا تناديني (حبيبي).. لو سمحتي
مات حبٍ قدْ جمَعْنا وانْوَلَدْ قلبٍ عنيد
كنتي أغلى من حياتي مِثِلْ ما كنتي وكنتي
ساكِنه في وسْط قلبي والجوارح لك عبيد!!
كنتي أغلى من عيوني لو بعدتي ما بَعَدْتي
في عيوني صوْرِتِكْ لو تبعدي عَنّي بعيد
غَرّك انّك ما خسرتي كل ما جيتي طلبتي
يا حبيبه.. تحسبين أن كِلّها الأيّام عِيْد
يا كثر ماني سهَرْت وكم تركتيني ونمتي
نايمه.. متهنّيه.. ساهر وأنْظِمْ لك قصيد
لاجل لا قمتي سمعتي.. وان سمعتي ما فهمتي..!
يا حرام وْيا حسافه واثر شِعْري ما يفيد
يا كثر ما انتي خذيتي ويا كثر ما انتي بخلتي
ويا كثر ما انتي جرحتي تحسبي قلبي حديد
والغريبه.. يا غريبه.. لا جرحتيني فرحتي..!
كنت أحَسْب إنّك ربيع القلب واثْرِكْ له ضديد
إسْتَغَلّيتي حنان القلب فيني وْما رحمتي
ما رحمتي.. لين نشّفتي الدما وسْط الوريد
بالعطا مثل البخيل لْيَا وَهَبْ انتي وَهَبْتي
بالعطيّه لو عطى ما هَمّه إلاَّ يستفيد
ويا غريبه.. تشبهين النار لا مِنّك أخَذْتي
من عَرَفْتِكْ ما عَرَفْتي غير يا هَلْ من مزيد؟
لكن أن النار تحرِق للأسف وانتي احترقتي
في النهايه وانتهى يا للأسف حبٍ عنيد
لا تناديني حبيبي.. لو سمحتي.. لو سمحتي
من غلاتك في الحَشَا ما عاد باقي لك رصي