شعر: فهد الحارثي

مِذْهِله تذهِل جميع المِذْهِلاتْ

لو لمَحْهَا طفل يحْبِي تَذْهِلهْ

حِسْنها كالشَّمس لاوراق النبات

لو عَرَفْهَا الكفْر يقرا البسمَلَهْ

حِسْنها لو شِيْف من تحت العباةْ

كِلّ شيْ في الأرض مايل تَعْدِلهْ

تدري أسباب الليالي المظلماتْ

هو شَعَرْها اللّى تناسَت تَفْتِلِهْ

خصْرها يضبطْ مَعِكْ الاربع جهات

تنقسم نصفين عنده تَعْزِلِهْ

طَرْفَها لا سَلْهمَت من شاف مات

حاجبيها سيف مَنْ ما يقتله

عِنْقَها تامَن به أيَّامْ الشتات

لو مشَت في الأرض تِحْدِث زلزله

ريقها (زمزم) و(دجله) و(الفرات)

لو يذوقه بَحْر مالِح يِعْسِلِه

خَشْمها هَدّ الجبال النايفات

نايفٍ كالطّود وارْفَعْ مَنْزِلِهْ

خَدّها الايمن تدين لْه الولاة

وْخَدَّها الأيسر خلاصة قنبله

والشفايا جَمْر تعشَقْه اللهاة

يحْرِس الثَّلْج المعتّقْ بَاكْمَله

صوتها يشفي من الطَّغْي الطّغاة

لو حكَتْ اْلالماس سِعْره تنْزِله

صَدْرها لو يَلْمَحِه أعصى العصاة

خَرّ ساجِد، عفو رَبّه يسأله

كَفّها حِضْنه يدفِّي الكائنات

وحِضْنها هو حَلّ كلمة معْضله

كَتْفها تصغَر عليه المنجزات

كَنّ سور الصين نجمه يحمله

طوْلَها بالضبط خِذْ مِنّه وهات

كَنّ سور الصين نجمه يحمله

لا نُوَت تاخِذْ نَفَس تاخِذْ حياة

طكل كائن حَيّ فَدْوَتْهَا هَله

الثبات إن شافها خان الثبات

كيف أوصِّفْ شَيّ شِفْته واجْهله