شعر: علي مساعد

وين انت يَا الحزن.. ما هي عَادتك تبطي

حتى أنت يا الحزن تبخل في مواعيدك

خابِرْك تاخِذْ من ايّامي.. ولا تَعطي

سواد جفني رسَمْته من تسَاهِيْدك

ما هوب حَقٍ على من عاشَرِكْ تخطي

لا صار مِنْك الدوا.. يا الله على إيدك

من صغر سِنّي هويتك يوم انا اخَطّي

الله رزقني.. بيومٍ من مواليدك

يا عْيون أبويه سكنت بْضَامري مِبْطي

لو كان بِيْدي أنا التّاريخ لاعيدك

يا هْموم هاك الحَنايا بْوسْطها حِطّي

وارتاح يا وقت دام هْمُومَنا عيدك

يا الحزن بالله لا تنسى ولا تبطي

قربك شفا الروح يا ما احْلى مواعيدك