حبّي تطمَّن وْنَام وريِّح أعصابك
وش فيك دايم عَلَيْ مشغول يا الغالي
لا تجعل الشك يطرق في الهوى بابك
ما حَدّ غيرك سكن في قلبي وْبَالي
وش يعني انّي أموت بْسَاعة غْيابك؟
وِتْرِد روحي إذا شاهدتك قْبالي؟
في كل ليله تسهِّر عيني أهدابك
تَمسي بقربك وتشكي لك عن أحوالي
حبّي تطمّن وكلّمني عن امّا بك
ما اطيق أشوفك حزين القلب والحالِ
أنا تركت العيون السود باسبابك
وَلّيتك احساس قلبي باوّل وْتالي
إمْسَحْ دموعك وريِّح خافق أحبابك
من عينك الدمع يجرحني إذا سالِ
مِ اليوم هذا.. عَلَي لا تتعب أعصابك
ما عندي أحْلى وأغْلى مِنْك يا الغالي