هذا أنا يا اللى بْغِيَابِك تماديت
قدّام عينِك واضح اليوم شِفْني
جيتك ألوم النّفس لانّي تفانيت
ألوم بك قلبٍ عشَقْك وْتَرَكْني
خَلّيتني.. قَفّيت عَنّي.. تناسيت
خَنْجَر بعادك ما طعنّي.. ذبَحْني!
من كِثْر ما احبّك من الوَجْد ناديت
ناديت وينك.. مَيْر ما احْدٍ سمَعْني
قبل أمْس رِجْلي عانِدَتْني وْحَاذيت
نَفْس الطريق اللى عَرَفْك وْجَهَلْني
سامَرْت ليلي والهواجس وْناجيت
كُود المكان اللى حضَنّا ذكَرْني
هذا أنا يا اللى ظَلَمْت وْتَعَاليت
هَزّيت جِذْع الدّمْع لين انْتِثَرْني!