انْتِثَرْ عقْد الدّرَرْ لمّا حكيت

وْصِرْت ألمّ الماس وانْت تْبَعْثِرِه

واضحَه وِجْهَة نظَرْك وْلو بغيت

لك أكَرِّرْ ما شَرَحْت آكَرّره

زِيْدني من سِحْرِكْ اختم كلّ بيت

بالبيان الراقي العَفّ امْطِره

من سواك يْثيرْني ممّن هويت

مَن قدَرْ وحي الخيال يْفَسّره

(جلّ سُؤْلي) تِبْتِسِمْ لمّا أتيت

توهب المشتاق نظره عابره

يوم يِتْلاقَنْ شفايفْك ابتديت

رحلة الأحلام والجفن أسهِره

شِفْت وش سَوَّنْ رموشك من غضيت؟

انتْ سَهْلَمْت وْأسِيْرِكْ تقبره

وان تنهّدْت اختفى العِرْف وْنسيت

كنّني نُسِّيْت ما كِنت أظهره

في حضورك غيبتي وان غِبْت جيت!

واقعي.. هو واقعي لى تخبره

وِحْدتي مُرّه.. أليمه وان لقيت

من يقاسمني الهموم آحَذّره

خَلّني غايب بحَضْرَتْك التهيت

لا تصحّيني، حياتي مِزْهره

وان حكيت أرجوك طَوِّل لى حكيت

بَعْثِر الألماس حولي.. بَعْثِره