يا مسا الهيل.. وانفاسه.. وفنجاله

يا مسا الشِّعر.. والنَّثر.. وْمواويله

يا مسا الحب.. لى غطّى الفضا شاله

وانتشَر في الحشا يقرا تراتيله

يهمس.. وينغرِسْ في القلب مَوَّاله

يضحَك.. وينتشي قلبٍ يغنّي له

إقْرَبْ.. القلب دونك حَالته حَاله

لا هنا له نهار.. وْلا هَنَا ليله

شاف خَدّك.. وْقَدِّك.. وانْشَغَل باله

ما اشْغَلَتْه (الهنوف).. وْلا (مَهَا).. وْ(هَيْله)

إقْلِطْ.. وْخِذْ تقهوى.. هذي دْلاله

كل هالحب.. لاجلك قلبي يْشِيْله

وايد قْلوب بِاسْم الحب مَيّاله

بس ما مثل قلبي مايلٍ ميله

لو صحيح القلوب تْقَدَّمْ فْواله

جبت قلبي بْصَحَنْ.. ثم قِلْت لك: شِيْله!!