يا صَاحبي عِدّ الوجيه اللي لوجهك صَافَحَتْ

واجهل مَلامحها وشف كم وَجْه غايب تجهله

ضِعْف اتّساع الصحو فيه اشيا كثيره ما صَحَت

حاول تَعرّف كثْر ما تجهل من اشيا مقفله

نحو اكتشاف الغير كم دربٍ لدربك كافَحَتْ

حاول تخطِّي كل حاجز لين غيره تاصله

شِفْ غير تسبيح البنادم كل الاشيا سَبَّحت

سبحان من سَبَّحْ بحمده كل شيّ بْمَنْهله

اخرج من المعقول وادخل باب واضوا فَتَّحَتْ

واقبَل جميع اللي من اوَّل كنت رافض تقبله

من ضَوّ هذا الضَوّ صَحِّح من بالاخطا صَحَّحَت

وادخل مع آخر باب لاصلاح الطريق مْن اوَّله

لا تنطفي مَعْ كل نظره لك مَعْ الغيم انتحت

بعض الفشل يعطي النجاح مْن التمرْحِل مرحله

لولا نضوج العقل ينزل فوق من فوق لْتحت

ولولا قصوره يختلق من مشكله لا مشكله

من خارج التحديد كم نظره لنظره صارحَت

إعط المدى كل المدى والعين نظره مِسْبَله

يا صاحبي عِدّ الوجيه اللي لوجهك صافَحَتْ

واجهل ملامحها وْشِف كم وَجهْ غايب تجهله