شِفْت (النحل) شَرْقَانْ!! وِيْدَوِّرْ المَاي!!
منْ بَعْد مَا لامَسْ شفاتك حبيبي
حَزْيَانْ!! مَا الومه.. واذا صَاحْ مَبْلاي!!
قَبْله أنا قِدْ كان.. هذا نصيبي!!
مَا الوم منْ يهْوَاكْ!! وانْ حَبّك وْيَاي!!
أغار مِنّهْ!! وابغضه لوْ قريبي!!
واموتْ حَرّه!! وانكوي بْنَار مأساي!!
واصْبِرْ معَذَّبْ!! ليت.. قلبك دري بي
فِيْك الحلاوه.. والغوَى فِيْك مَطْرَاي!!
فَتّانْ!! سَاحر!! مَاخذنّي نهيبي!!
عَيْنِكْ جميلهْ.. (هَايْ.. وِتْغَار مِنْ هَايْ!!)
(يِتْزَامِطَنْ!!) بالحِسنْ.. واغوَنْ قليبي
صوتكْ جميلْ وْهَزنّي كَنّهْ (النَاي!!)
حِسْنِكْ حِسِنْ (يوسف) جمَالكْ عجيبي!!
باسْألْك؟! شو خَلّيت (للعالَمْ الجَاي؟!!)
وكَادْ!! إنّ (الحِسْن) بَعْدِكْ يغيبي!!