شعر: حمد بالحَب

أَبشِّرِك جَرْحك ثمَن غلطتي فيك

والاّ انْت ما تَجْبِرْ على حبّك انسان

اليوم لا باشكي ولا بانْدَمْ أبْكِيْك

فِعْلِك مضارِع بسّ حبّك خَبَر كان!

عن قَسْوتك ما عَلّمَتْ رِقّة ايديك

صحيح كل اللى يحبّون عِمْيَان

على نجاح الفِلْم والدّور أهَنّيك

أنا اشْهَد انّك كِنْت بارِعْ وْفَنَّان

حطّمت من يهواك دايم وْيَغْلِيْك

هذا جزا من يَمِّنْ القلب خَوَّان

المشْكِله ما هي قساك وْتَخَلّيك

المشكِله قِلْ لي متى نِمْت زَعْلان

دايم مكانك وسْط جفني يغطّيك

صورَتْك في شوفي وفي غَمْض الاعيان

أنا السبب واختار واحد يسلّيك

الظاهر انّه كان عندي عمى الوان!!