EMTC

أسرار

شعر: أحمد حمد بو شهاب

عيونك كل ما فيها.. يحَلّيها.. من ألْحَاظ وْجِفنْ وِرْمَاحْ

عيونك كلها أسرار.. وانا محتار.. حبيبي ضِعْت في عْيونِكْ

عيونك للهَنَا مَرْسى.. بها أنسى.. تفاصيل الشقا وارتاح

عيونك في السفن قنديل.. وفيها ليل.. تنام نْجوم بِجْفونِك

عيونك جَنّة العِشّاق.. وصبري ضاق.. وْسِرّي في هواها باح

عيونك ملهمة فكري.. وَلاَ تدري.. حياتي كيف من دونِك

دِفا المشتاق في يَدّك.. وذا بِعْدِك.. ذبَحْني واللقا ما لاح

وبك وجدي يراودني.. يباعدْني.. عن العالَمْ إلى كونِكْ

حبيبي عمري الحاضر.. وامَلْ باكر.. وكل اللى مضى لي وْرَاح

سكَنْت بْداخل احساسي.. بَعَدْ ناسي.. أنا في الحب مَجْنونِك

حبيبي لى متى باصْبِرْ.. بَعَد واسْهَر.. واداري في المحبّه جْراح

حبيبي والعمر مَحْدود.. متى بَتْعود.. تراني اشْتِقْت لِعْيونِك

طباعة Email
تعليقات

تعليقات