قِدّ ثوب القصيده فوق سود الضماير
يمكن إن المشاعر عقْبَها تستفيق
أنت يا لابس الحزْن وبياض البشاير
كيف لمّيت بَرْد الما وْحَرّ الحريق!
الليالي طويله وابْلَج الفَجْر حاير
ما يشيل بْبِيَاضه غير حِلْمٍ عتيق
لا تبعثر مدى نفسٍ بَلَتْها العثاير
ما لها غير شِعْرٍ لا قريته رقيق
لِمّني في عيونك قبل بِيْض السراير
وشوف من هو على الفرقا فؤاده يطيق
لو نشَدْتك وش اللي بالمخاليق صاير
ليش ما يطعنك لا غبت غير الصديق!
وِدّي أبكي على صدرك زمان الخساير
وخايفه مِنْك لو صدر الليالي يضيق
مثل غيرك تروح وعذب الاحساس جاير
ولا تخَلّي سوى الذكرى وْشوك الطريق