سرى الفكر مِنّي وانتشى من عبير الهال
مع اطياف بابيات (البيان) وسجايلْها
تجَدَّد قديم الشوق مَعْ حاضر الأجْيَال
زهورٍ تداعبها الشمال وتمايلْها
سرى الليل يا الشاعر لعينك حذَفْت الشال
ألاعِبْ بيوتٍ شايل الحِمْل شايلْها
أجَدِّل مجَدّل جَادل السابل المجْدال
قرين الذهب وَصْفَة هنوفك مثايلْها
واجاري مجاري فارع السيل والشَّلال
من الراس أنْحَتْ للشِّعاب ومسايلْها
جبرني هواها جَبْر من جِرّ بالسِّلْسَال
تَحَتْه الجحيم وْفوق راسه شَعَايلْها
مع (الماجده) مبحِر وروس الجبال جْبَال
عفيف الغرام ومغرمٍ في خصَايلْها
أحب الخمَايل والخمايل عطا واجلال
من الخالق اللى قابض أنفاس قايلْها
تقود السّفينه قايدٍ قايدٍ سِرْدال
معيدٍ على اللجّات (ياسي) سلايلْها