إنسان ماتت به مفاهيم الانسان

أنا مع أهل الطيب لي ألْف سِيرْه

والاَّ انت ما لك مع هَل الطيب عنوان

يا اخوي لا تسبَحْ بحورٍ غزيره

أخاف أشوفك يوم في اليَمّ غَرْقان

يا اخوي بِعْدي عَنْك بالفعل خِيْره

ارتحت من هَمٍ على صدري أزمان

إحْذَرْ رحى لْسانك بذِكْري تديره

بالشَّرّ.. والاّ حتى بالخير يا فْلان

خِذْها نصيحه لك.. وكلمه أخيره

ما في البدو واحد مخادِعْ وخَوَّانْ

إبْعِدْ لسانك عن سيوف العشيره

لا تصبح أسنانك تدوِّر لها لْسَان

نحنا كبار.. لْنا نفوسٍ صغيره

والاَّ انْت مثل الزوبعه وسط فنجان