الوصال بْخيل والفرقى بلاوي
والظنون طْعون وِرْمَاحْ وْخناجر
والوعود أوهام والفزعه هقاوي
والشكاوي حايره بين الحناجر
ليتني ما جيت للدنيا هواوي
وليت قلبي عن سما العِشَّاقْ هاجَرْ
العنا ما له علاج ولا مْداوي
والجروح بْلاد والجَرَّاحْ فاجر
والليالي كل ابوها بالتساوي
تجري وترمي السَّهَرْ وسط المحاجر
طافت عْقود العمر والحال ذاوي
وانا وضعي أحمد الله وضع تاجر
كنت (عاشق) كنت (شاعر) كنت (راوي)
كنت راضي بالعتاب وبالتشاجر
ما دريت إن العشق فيه البلاوي
مع جروح ألْعَنْ من جْروح الخناجر