حلم الحياة

من يقول أنساك والله ما نسيت

مَسْكَنِكْ قلبي وطيفك في العيون

أنت حِلْمي لى على شانه حييت

وانت عمري وانت نبضي يا فتون

لك عطيت الحبّ من قلبي عطيت

لا تشِلّ بْخَاطرك لا ما تهون

يشهد الله غير شخصك ما هويت

في الحياه انته وغيرك ما يكون

بك بدَتْ لحظات عمري وابتديت

من عَرَفْتِكْ عِشْت في أنس وسكون

بك رحَلْت بْعَالَمْ الحب وْمشيت

واهتويتك حَدّ لحظات الجنون

انت عايش وسْط قلبي به نميت

مالِكْ إحساسي ولحظات الشجون

روف بي يا نور عيني لك صفيت

لا تهيم بْفِكْر هَمّك والظنون

لك وفيت الحب من قلبي وفيت

صادقٍ واحْلِفْ برَبّي ما أخون

لا تقول أنساك والله ما نسيت

لك قَصِرْ في القلب شامِخْ له ركون