عيد الحب

يا عيد الحبّ سَلِّم لي عليها

وقبِّل خَدّها وراحة يديها

وبلِّغ قلبها بعد التحيّه

بأنّي مَيِّتٍ يا عِيْد فيها

ضويت شْموعها واطفيت ليلي

وْغَلّفت الهديّه لى تبيها

وعطّرت الدقايق بالقصايد

وغنّينا أنا وْشوقي عليها

يا عيد الحب لا تنسى دموعي

على المنديل لى خَذْته إليها

ولا تنسى السهر لى في عيوني

ونبضات الوَلَه لى ترتجيها

وجَمْر الشوق في ليل انتظاري

أكيد بْتَعْرِفِه من وَجْنتيها

ولا تنسى تبلّغها بأنّي

إذا جيت أنتهيها.. أبتديها؟

يا عيد الحب لا تِقْلِقْ هَنَاهَا

ولا وَرْد ابتسامة شِفّتيها

أريدك بس تهديها اعتذاري

على انّي أحْتفِلْ كل يوم فيها