غيبة قمَرْ

دَوَّرْت ما حَصَّلْتِكْ

وين اختفيت وْ سِرْت؟

مثل القمر شَبَّهْتِكْ

ياك السّحاب وْغِبْت

بِد الأنام اخْتِرْتِكْ

ياما وياك اسْهِرْت

بين الوَرَقْ سَجَّلْتِكْ

مِنْك ابتديت وْ عِدْت

بالمختفي عَرَّفْتِكْ

بك والموَدّه شِعْت

يا ليتني ما صِحْتِكْ

حتّى ولا تْوَلَّهْت

وياليت ما سَطَّرْتِكْ

حَرْف الغرام وْ صِغْت

لو ييتني عَذَّرْتِكْ

ويا كَم ما تْعَذَّرْت