شعر: عبدالله العويس

جِيْتني والنَّفس في غَفْله

وابتهَتّ وْقِلْت وِشْ جابه

صاحبٍ قَطَّعْ حَبِلْ وَصْله

رَدّ يَذْكِرْ أوّل أصْحابه

عَد وَعْدٍ صِدْق أو مطْلَه

مرحبا به والْف حيّا به

فَرْض يا قَلْب الوَلَه صَلِّه

دوم والحاضر له أوْجَابه

قَلْب وِيْنَادي هوى ضَلِّه

ثَرْه عنده فاتِحْ أبْوَابه

يِلْتِفِتْ وِيْدَوِّرْ الظِلّه

يوم كِلٍ تَحْت سَحّابه

هالزمن واللى بَعَد قَبْله

دوم أنا والقلب نحيا به