من كَمْ سنه قلبي عن الحب عاصي

واقول يا قَلْبي كفى عِنْد وِعْقوق

كِلْ هالعِبيّ مْشعشعات النواصي

ما حَرِّكَتْ في دَاخِلِكْ نَبْرَة الشوق

كانِكْ على هالحال عَجِّل خَلاَصي

وارْحم يتيم الجوف والاّ مَعَه رُوْق

لين أقْبَلَتْ.. وَقَّف لها كل قاصي

وخارت قواها اللى بها الحال مَخْنوق

شْفَاتها تَمْر (القصيم) الخلاصي

وِعْيونها التابوت وِخْدودها بْروق

لا من تثَنَّتْ جِمْس من دون شاصي!!!

ما بينها واهل الثرى بِعْد وِفْروق

من شافها هانَتْ عليه المعاصي

أمّ الدلال أمّ الدَّلَع قِمَّة الذوق

(عَبْد الصمَد) و(النوخذا) و(الرصاصي)

بارَتْ تجارتهم ليَا مَرَّت السوق

قولوا لها تَسْلِكْ مجال اختصاصي

وتاخِذ مِنْ سْلومي لها نَهْج وِحْقوق

واجْعَل لها كِلّ الحنايا رِخَاصي

وابني لها في داخلي صَرْح مَرْمو