صَعْب القرار انته وانا ما نِتِّفِق

لو هو غرام انسى ولازم نفْتِرِق

يا سيّدي عِشْنا أنَا وانت فْـ وَهَمْ

يا صاحبي لا هو غرام وْلا عِشِق

لِعْبَه لعَبْناها سوى وْدار الزمن

رَغم الهوى بيبان قلبي تِنْغِلِق

عِشْنا زمان الهَمّ ما له أي مكان

كِنَّا وكان الشوق يدعينا بْرِفِق

مِنْذ الصباح اللي تقطَّر بالنّدى

لين الغروب اللي تلوَّن بالشفَقْ

من صِدْق شوقي لين كذْبَات اللقا

وانا ارْقِب المصباح يا لين اخْتِنَقْ

آهٍ على ما قِدْ مضى من هالعمر

آهٍ على صَبْري وقلبي يحْتِرِق

ما اقوى الهَجِر يا ليت ما كان الهَجِر

باوَادِع وْمَرْكَب هوانا قِدْ غِرِق

صَعْب القرار انته وانا لو نِتِّفِق

لا بد في يومٍ نغيب وْنفْتِرِقْ