لو على بالك أجي لك.. إستريح

لى على بالِك تراه مْن الخيال

اسْتِفَز القلب حبّك يا الشحيح

وانتِثَرْ ما بين حَبّات الرمال

غيمةٍ سودا مطَرْها ما يطيح

ساحةٍ غبرا وجودك والزوال

إن طريت الحبّ منّي ما أبيح

تَحْسِب إنّي أفتِخِر وانّه دَلال

ما دَريت النفس ما تطري القبيح

بسّ لاجلك خالفَت نفسي المجال

قِلْت هَالْمَرَّهْ بَاوَرِّيْك الصحيح

من كلامٍ جا على بالِك ضَلال

خَلَّها افكارك لنَفْسِك.. لا تِبِيْح

يا كِثِر زَلاّت فِكْرِك بالسؤال

قِلْت لك مليون مَرّه بالفصيح

خافقي ما عاد يَنْبِض لك وِصَال

تَعْكِس المعنى وهو واضح صريح

في كلامي (رُوح) تَحْسبْها (تعال)

وِشْ بلاني فيك قِمْ عَنّي و(زِيْح)!

عِلّةٍ مَزْحِك مَعِك.. كِلْكم ثقال!!