شعر: ذياب بن غانم المزروعي

يا مرحبا باللى يساوي عشيره

لى صحبته تفْخَرْ بها ذْيَابْ (وِذْيَاب)

حي الخوي لى له معَزَّه كبيره

واللى لشوفه نِقْطَعْ دْروب وِهْضَاب

يا خوي يا (سالِمْ) ظروفي كثيره

لا تْلومني لى غِبْت لي عِدَّةْ أسْبَاب

هذا أنا من (بوظبي) لِ(الفجيره)

واهِبْ حياتي للوطن حب واعجاب

بَتْشوفني بين العَلَمْ والذخيره

مَرْفوع راسي شامِخٍ فوق سَحَّاب

أعْشَقْ ميادين الرجال الخطيره

عند الرجال اللى لهم يِحْسَبْ حْسَاب

وما اخاوي إلاَّ ذيب ولْد المغيره

في كل نايف له تِطَلِّعْ ومرقاب

والاَّ الذي واهِبْ حياته سريره

في كل نايف له تِطَلِّعْ ومرقاب

وانته يا (بو راشد) مخوَّتْك خِيْره

طحِلْم وذرابة عِلْم، شَغْموم، وِشْهَاب

واللى شراتك يِنْشَرَى دون حِيْره

وِيْسابَقْ لْشوفه ملايين الاصحاب

لا تْلومني لى غبت روحي أسيره

في دار (زايد) وانت تدري به (ذْيَابْ)