يا اخوي خَبّرني عن الحب واسبابه

لو ينشرى بالمال له ناس طَمْعيّه

الآدمي ما يفضي بْكل ما صابه

لو عبرتك في اليوف توري بها ضْوِيّه

غرٍ غريف الطول في غاية اشبابه

لى من مشى شروات وِلْد الدمانيّه

اكْتِمْ على اللى ياك والرد لاصحابه

لا تنتبه في امثال قول الزغيويّه

يبات نومك بالكرى ما تهنّى به

وِتْرضّف الونَّات في كل عَصْريّه

عَنّي نديم الروح قِدْ طَوَّلْ غْيابه

ياللى وداده في الحَشى فيه ماريّه

كل من بغيت الشِّعر لي فج لي بابه

أقرا حروفه والتماثيل حدريّه