كلٍ هتَفْ والصوت عالي

يعيش (الاهلي) وْصفّقوا له

اللى على كل الحَوَالِ

فاز وْ رفَعْ درع البطوله

لعبه وْتكتيكه خيالي

وِمْبادراته بالسهوله

لِلْخَصم ما يَتْرِكْ مجالِ

وِيْعَرْف كيف يْجِيْب قوله

وْجمْهوره الوافي مثالي

واقف وكل الناس حوله

شيوخ واصحاب المعالي

لى بالمكارم يَصْفِطوا له

(حمدان) للأحْمَرْ موالي

و(مكتوم) دايم يَشْهدوا له

شيوخنا مضرب مِثَالِ

صِيْتٍ لهم في كل دوله

كم حقّقوا حلم الليالي

بافعال وِعْزومٍ وْطوله

والدرع لو صعب المنالِ

بالجد والجهد أوصلوا له