اسمع ياللا بص وشوف، هحكي حكاية على المكشوف. مرة فتحت التلفزيون، شفت حاجات مليانة جنون سمعت أغاني مش عجباني، خَبْط ورزع وآه يادماغي، جبت سداده افلت وداني، شفت مناظر جن جناني اللي تغني ولابسة مايوه. واللي تقول الآه والأوه، واللي بيرقص كدا أيوه، واللي يغني قال لحمار، واللا يهَشِك كدا في الفار.
رَاح الفن ورَاح أيامه، رَاح وياه أجمل ألحانه، رَاحت فين الكلمة الحلوه، نفسي يا قلبي في لحن وغنوه، لحن يهز مشاعري بقوه. فين العَظمَة وصوت الست، اللي تخلي العقل يشت، واللا حليم فت الفت. غنى أغاني جميلة للثورة، شحن الأمة عزيمة وقوة، وأما يغني كمان للحب، يخلي القلب يشب يلب، تعالوا معايا نروح للماضي، وسبكم بقى م الهلس الفاضي. قبل ما ييجي اليوم ونقول، أبكي يا قلبي على الأطلال.
أسامة سروة دبي ـ الإمارات