ألْتهي عَنْك فيك وْلا شغَلْني سواك
وان ضحَكْتِك بكيتك وان بكيتك ضَحَكْت!
شَتَّتْ الفِكْر هَجْرِك ما تحمّل جفاك
وْتِعْبَت النَّفْس من زود الفراق وْهَلَكْت
شوفني كلّ ما جاب الهوى من شذاك
وكل ما مَر طيفك في الخيال ارتبَكْت
وكلّ ما طاحَتْ الدمعه تصيح الهلاك
لا هي اللى مسَحْت وْلا هي اللّى مسَكْت
نادني لاجل أجي لك.. هاتني من هناك
ما اعَرِفْ أي دَرْبٍ في حياتي سلَكْت
شوف جَرْح اشتياقي دون بَلْسَم لقاك
ينزف إذا رخيت وْينزف إذا (سِدَكْت)
وشوفني كيف أجيب القافيه في هواك
والاّ في حَدّ غيرك ما كتَبْت وْحبَكْت
وشوفني كيف أنادي لك واطَرِّشْ جداك
وانته لو تِحْتِرك هذي الجبال احْتَرَكْت!!
داخل الله دخيلك بَس يكفي جفاك
والله انّي هلَكْت ووالله انّي هلَكْت