يا عين من صوبه تهِلِّيْن

عن لى غدا وِرْجوع هَيْهَاتْ

لى راح طَيْره بَيْن لِيْدَيْن

غيره يضَوِّيْ كل صَيْدات

وارْقِبْ طلوع الفَجر ما يْبِيْن

والليل يَضْوِيْني بعِلاَّتْ

واوايِبْ طْيور البساتين

ياللّى لهِنْ في القَلْب بَشَّاتْ

وَنَّيْت وَنَّاتْ المحازِيْن

إن غَضَّوا الدَّلْهِيْن ما ابات

عوقٍ سطى لي ماخِذْ سْنين

ما يْفِيْدِهْ الدَّخْتَرْ والانْعَاتْ

دِمْت الصبر وايْلا الصَّبر شَيْن

يَسْقِيْك في الغَيْبَاتْ حَسْرات

كَرْهَبْتني يا سِيْد يا زَيْن

يا بوعيونٍ سود وحْشَاتْ

حِلْو الملاحه والحيايين

بويادلٍ يَثْنِيْه لَيَّاتْ

مْن الدِّمِنْ ماخِذْ مياشين

في دار وِقْفورٍ عِذِيَّاتْ

خَذْت مْعَلوقي والله يْعِيْن

في هالليالي لِخْطِرِيَّاتْ