شعر: طلال بن عون

مِبْطي واقول ان الوفا طَبْع الاجْوَاد

والاجودي كلّه وفا كيف مَا يْكون

حتى ولَو سافَرْ مِنْ بْلاد .. لِبْلاد

يِحْمِل وطَنْه بْداخِلِه فِعْل وِعْيون

مِثْله على قولَة (نِعِمْ) دوم صيّاد

يقْنِص (نِعِمْ) مليون.. مليون.. مليون

يروح ليله ما عَرَفْ لحظة رْقاد

لانّه وفي واهل الوفا ما ينامون

يشتاق لِدْيارٍ بها الطيب وَقّاد

يهِزّ جِذْع الشوق يِتْساقَط شْجون

حتى حديثه غَيْر.! أو غَيْر مِعْتاد

يصير في عِرْف المجانين مَجْنون

يقول.. يفْعَل وان فَعَلْ يَكْسب أحقاد

حَظّه رماه بْوسْط عالَم (يقولون)

ما هو رِدِي بس الرِّدى حوله ازداد

وْلا هو حزين لْواقعه مَيْر مَغْبون

مِثْلِه يعَرْف بْقِيْمَةْ المِلْح والزاد

يخون فيه الوَقْت.. ما يَعْرِف يْخون

مِبْطي واقول ان الوفا عِرْف الاجْواد

والاجودي كِلّه وفا.. وين ما يْكون!!