سنَه حلوَه يا حبيبي ضَيّ شوفي

سنه حلوَه يا رَبّ العُمر كلّه

يا توأم روح روحي هاك جوفي

(هديّة حبّ) من خِلٍ لخِلّه

تصدِّق كِنْت خايف من ظروفي

تصدِّق ما عرَفْت النوم لله

من البارح ضويتك في رفوفي

أناجي طيفك اللي ما أمِلّه

جَلَسْت أحْسِب على اصابع كفوفي

مواعيد الرموش المِسْتِظِلّه

قضى وَقْتي أرَتِّب في حروفي

إذا صافَحْت كَفِّك ويش أقِلْ له

وانا ما بين جَلْساتي وْوقوفي

ذبَحْني الشوق من كِثْر التوَلِّه

وْمِنْ شِفْتِكْ وْرَبّي زال خوفي

من الفَرْحه نثَرْت الدَمْع جلّه