عَدَّدْ الأيّام بِصْبوعه
قال بَتْسافِرْ خمِسْتَعْشَرْ
قِلْت يوم.. ويوم في رْجوعه
صاحبي يومين مِسْتَكْثِرْ؟!
ثَرْه يومي عنده اسبوعه!!
وان حسَبْ ساعاته تْبَعْثَرْ
واكْشِفَت كِبْر الهوى دْموعه
صِدْق دَمْع الغالي مْأثِّرْ
دمعة العِشَّاقْ مَشْروعه
دام يوم الوصل مِتْعَذِّرْ
ما اكْتِمَلْ في الحب مَشْروعه
قلب من قَبْل الشّقا تْعَثَّرْ
نَفْس عَ الترحال مَدْفوعه
بِعْد والأسفار تِتْكَرَّرْ
شَيّ مِ الآمال مَقْطوعه
وْ شَيّ من ننساه يِتْوَفَّرْ!!