قال (بن حمدون) والاشواق ضَجّه

تلعَبْ بْقَلْب الغلا وْيِكْثَرْ ضجيجه

والسبايب لى نَهَبْ قَلْبه وْرَجّه

يوم شِفْته وَلّع بْقَلْبي حريجه

بوعيونٍ كَنّها سَهْمٍ موَجّه

والعسَل مَسْكوب في مَعْسول ريجه

يَبْطِشْ بْرِمْشه كما بَطْش الفرنجه

وْصِرْت أنا المأسور وِقْيودي وثيجه

حالتي من سِبِّتِه بالحيل حَرْجه

غارقٍ في لِجّة بْحورٍ غريجه

كلّما ناظَرْت عينه خَذْت سَجّه

تايهٍ فيها وَلا لي من طريجه

ناهبنّي بالدّلَع من زود غِنْجه

وْشوفة عْيونه تشافي كِلّ ضِيْجه

لاجل شوفه آتَعَذَّر بالْف حِجّه

حيث لاْنّ الروح لِوْصَاله شفيجه

في (عُمَان) وْ(تونس الخَضْرا) وْ(طَنْجه)

ما لقيت بْوَصْفه بْكِلّ الخليجه