نشر سمو الشيخ حمدان بن محمد بن راشد آل مكتوم ولي عهد دبي، يوم أمس، أبياتاً شعرية على صفحته على «إنستغرام» حملت صفاء الشعر ومورد قرائحه العذبة، وتغنت الأبيات بأوصاف الإبل وميزات «الهجن» رمز الأصالة والشهب المضيئة، حيث فيها من الخيل سرعتها ومن الظباء وصوفها الجميلة، وأرفق سموه مع الأبيات صورة إلى جانب إحدى الأصائل:
قـريــحـتـي ما يـخون الـشـعر تعـبيـرهـا
أصوغـها من ذكـى ما اصوغها من غبى
وبـيـوت شـعري علـي لا جـات تـدبـيرهـا
لا يــمـكـن يـضـيع مـجهـودي عليها هَـبا
والـهـجـن، فـي كـل عـام يـزيد تـقديرها
رمـز الأصالـه لـنـا يــوم السـنين اشهبـا
ومـضـمّـر الـنـادره يـعـجــبـه تـفكيـرهــا
تْعرف وش هو يبي ويعرف وش هي تبـا
وصـبـا لـهـا ميزةٍ ما توجد فـ غـيـرهـا
يـا عـاشـقـيــن التفــوّق والنصـر والـنبـا
الشـايـب اللـي يـسـجّـل مـن جماهيرهـا
تـرجّـعـه كـل مـا فــازت لـعـصر الصــبـا
فـيـهـا مـن الـخـيـل سرعتـها وتصويرهـا
ماهـي بـظـبـيٍ لـكنّ فيها وصوف الظبـا
طـغى عـلى الهجن وأهل الهجن تأثيرهـا
بالنصر ربّـي هـبـاهـا جـل مـن هـو هـبـا