شعر: حمدان بن محمد آل مكتوم

الوطن كله... أبوك

نشر سمو الشيخ حمدان بن محمد بن راشد آل مكتوم ولي عهد دبي على حسابه الشخصي في «انستغرام» أبياتاً من الشعر بمناسبة تقديم سموه واجب العزاء إلى أسرة شهيد الوطن طارق الشحي، وخاطب سموه ابنة الشهيد بهذه الأبيات.

 

 

هذا قدر كل النفوس العظيمه لأحلامها ماتمشي الا على الشوك

هذا الوطن عز وشموخ وعزيمه وياموطني عزّك من اللي يعزّوك

كفوفنا اللي للمواطن رحيمه على العدا مدمايه وسم مضكوك

تبسمي بنت الكريم الكريمه اهتزو الانذال لكن ماهزوّك

وانا فعزاكم والـمشاعر حميمه ماراح اقول آسف ابا اقول مبروك

غلطان منهو قال عنّـك يتيمه ما انتي يتيمه والوطن كله .. أبوك

:

طباعة Email
تعليقات

تعليقات