تذكرني بماضية الليالي
منازل بين هذيك الرمالي
مراسمها بعد الايام عفيِة
عفت آثارها ريح الشمالي
ألا يا منزلٍ ما بين نزلِه
رعى الله يوم انا لي فيك غالي
يرحب بي يلي من جيت بيته
ويشرح من ضجيج الهم بالي
وانا لي من بغيت انوي مزاره
نصيتِه فوق مُوْمِيْة الحبالي
على حمرا مذارعها دِجيجِة
خفيفة لحم زاغيها الحيالي
يلي حطت مع هجنٍ نجيبه
خذت لاول وخلت كل تالي
وانا اتعبتها في شَف خلِّي
لِشانه مِرْخص ٍ حالي ومالي
الاول ماخذٍ على أول بزينة
وسبحان الذي خِلْق الجمالي
كثير الناس دايم يمدحونه
بحسنه والعدالة والكمالي
*****************************
يـوم شـلّـوا بــي مــن الـديـرة
قـلــت يالمـظـنـون لـوداعــي
وسط فلك سلج في امسيره
في طرنشيب البحر ساعـي
إذهــلـــوا قـلــبــي بـحـاحــيــره
هاض ما بي هلّت ادماعي
مــن يسـلّـي القـلـب ويـديـره
عمّن اقفى شاعه و شاعي
لــي خــويٍّ نـفـسـه صـغـيـره
مـالــي السـاقـيـن وذراعــــي
دِمَـن وحـشـي فــي غنـاديـره
اغـنـج ادعــج خــد لـمّـاعـي
فـــــي بـحـرسـتـيـن تـفـسـيــره
لِبحـريـن ابـهـا حـكـم راعـــي