يَا مِنْوِتِيْ يَاخَيْر الارْبَاح

                 خَسْرَانْ مِنْ فَرْقَاكْ واصِيح

مَا رَيْتْ لِيْ بَيْسدِّ الاَيْرَاح

                         بِلْسَمْ شِفَاتِكْ لِلْمِيَارِيح

روْحِكْ خِفِيْفِهْ زِدّ الارْوَاح

                    وِالْبِشِرْ لَيْ فِي الْوَيِهْ اْلِملْيِح

تَمَّيتْ مِنْ فَرْقَاكْ صَدَّاح

                      طَيْرٍ يْغَرِّدْ فِي الْمِصَابِيِح

يَااْسْمَرْ: حِيَاتِيْ هُوبْ مَرْتَاح

                   ذُوقْ الْهَنَا مِنْ عقْبِكْ شْحَيِح

 

محمد بن سالم العويس

 

سَالِيْ بِعِيدْ الْهَمّْ مِرْتَاح

                      سَلْوىَ الصِّبَابِهْ وِالتّبَارِيِح

مَالِهْ بْلُوْعَاتْ الْهِوىْ يْواح

                          لاَفِيْ غِدِوَّه وِالْمراوِيح

يَامنْ عِقِبْ طُولْ الصَّبِرْ بَاح

                         خَلَّى الْعِمَامِهْ وِالْمِسَابِيح

وِاخْضَعْ تَرى ذِلّْ الْهِوىْ مْبَاح

                     مِنْ عاشْ في نار الْهوى يْبِيح

 

الشيخ صقر بن سلطان القاسمي

 

 

بَيْتْ لَيْ خَالِي بَلاَ اْهَالِي

                        كَيفْ بَيْلِسْ فِيْه بَاقِرَّه

خُوزْ عَنِّي ضِيِّجِ بالي

                     لَيْ قَمْيِصٍ ضٍاقْ باطِرّه

كِفْ لُوْمِك وانْتِظْرْ حَالي

                    والْتِمِسْ مَنْ يِوفِي الْحَرَّه

جَانِكْ مْوِدّي وتِهْوالِي

                       لا تِكَثّرْ لِي حَكي مَرْه

فِي مَلاَمِك لِيْ به اشْوَالي

                  لآدِمِي مَايْعَرفِ لَيْ يْضرِّه

 

سعيد بالهش