لاح بَرَّاقٍ مِن الجِبْلِه ظَهَرْ

             في سِماها والرَّعد سَوَّى حِنين

في سحابٍ يسكب الوابِل مِطر

                   لي سقاها والخلايِج نايمين

واكتست الارض بالخير وزَخَر

                  روضْ عِشبٍ رُونَقٍ للناظرين

سال من سيح الغِريف وثُم طِفَر

                   زود يَرْيِه يستجف بها البطين

بالمدام وطاف اْلِقْرون وحِدَر

                     واتجه في السير عَبّابٍ زِفين

مِ الفَِلَي كِدْخفٍ -عَ- الذيد وعِبَر

                       يتِّلي اْلِحقوف وتْواطا يمين

للفِلي واسقى بياته واستمر

                      للشمال وداس الاقرن والعِطين

ثم حوَّل من على المِدْفَق بحَر

                         والصخور الصِّم خلاّها لِدين

يا رسولي قُم تجهَّز للسفر

                            خذ كتابي للفهاما العارفين

دوك خطي بَلِّغه ذاك البدر

                     الصدوق الصادق الشهم الأمين

ارتحل مني وسِر وَدِّ الخِبَر

                         للذي به في الشدايد نستعين

 

محمد بن علي الكوس

 

 

ليال مثلما طيف الحلوم

                      ذهابٍ ما لها فينا إياب

لحى الله من شرى لذات يوم

                       بيوم ٍ فيه راس الشاب شاب

عسى يا راحم القلب الرُّحوم

                          تِوَفِّجنا إلى حِسْن المآب

وعِرْف أن الليالي ما تدوم

                      ولي طالت تعدّيك الركاب

واشوف الشيب له غارات قوم

                       علينا والآجال لْها كتاب

ولا يَذْريك ربعٍ مِ الهجوم

                       دفاعٍ بالسيوف ولا الحراب

يَلي حاولت في التالي تقوم

                      اتجدِّم من يِديك لها صَلاب

جزى الله لايمٍ في ذا يلوم

                          ولا جازاه عنّا بالثواب

واحَمْد إللي وهبني ما أروم

                           قريض الشعر مع فصل الخطاب

 

عوشة بنت خليفة السويدي «فتاة العرب»