إنْ كَانْ غِصْنِكْ يَلْوِيْ جْنَاحْ عِصْفُوْر

أنَا بِتَرْتِهْ قَبل تَطْلِقْ سَرَاحِيْ


وِ انْ كَانْ جَرْحِكْ عَاثْ فِيْ قَلْب مَكْسُوْر

سَدِّكْ غِزِيْر وْ كَاسه الْمُرّ فَاحِيْ


لا تِلْتِفِتْ لِيْ.. وِ انْت مَاهُوْ بْمَجْبُوْر

تَجْبِرْ كِسُوْر اللَّى مِنْ الْبَتِرْ صَاحِيْ


لِهْ عَامْ يَعْزِفْ لِكْ عَلَى لَحْن مَغْرُوْر

وْ يَنْشِدْ رِضَاكْ أشْعَارْ.. نَايِمْ وْ صَاحِيْ


إنْ غَابْ غَيَّبْ عَنْ سِمَا دَارِكْ النُّوْر

وِانْ جَاكْ عَايِدْ نَاسِمْ الْوَرْد فَاحِيْ


عَنْ كِلّ حِزْنٍ حَلّ بِهْ مَنْت مَعْذُوْر

مَا يِجْتِمِعْ فِيْ الْحِبّ كَسْر وْ مِزَاحِيْ


لا تِلْتِفِتْ وِ تْحَاوِلْ تْجَبِّرْ كْسُوْر

كِلّ الْكِسُوْر آيَادْ.. تَطْلِقْ سَرَاحِيْ..!!