جَرَّةْ نَوح

ضِمِّنِيْ بِاحْسَاسْ قَلْبِكْ وِ احْتِوِيْنِيْ

وِارْفِقْ بْشَاعِرْك دَامِكْ صِرْت بَوْحه

مِعْتِلِيْ عَرْش الْمِشَاعِرْ .. وِ الْحِنِيْنِيْ

فَاضْ كَيْلِهْ.. وْ جَرّ مِنْ فَرْقَاكْ نَوْحه

آهْ يَا وَجْدٍ يِمَلِّيْ مِقْلِتَيْنِيْ

وْ آهْ يَا قَلْب نْزِفَتْ مِنِّكْ جِرُوْحه

الْعِمِرْ وَصَّلْ مِشَارِفْ اْلاَرْبِعِيْنِيْ

وِ انْت بَيْن الْمَعْذِرِهْ وْ بَيْن السِّمُوْحه..!

قِلْت لِكْ مَرَّهْ قَبِلْ تَسْرِقْ سِنِيْنِيْ

لا تِبَنِّيْ وِدّ وِ تْهَدِّمْ صِرُوْحه

إلْتِزِمْ قَانُوْن سَيْر الْعَاشِقِيْنِيْ

مِنْ هِوَاكْ اهْوَاهْ لا تَقْتِلْ طِمُوْحه

لا تِسَاوِمْ بِالْمَحَبّهْ حَاجِتَيْنِيْ

قَلْب عَاشِقْهَا.. وْ صِدْق احْسَاسْ رُوْحه

وِ انْت مِثْلِكْ سِيْد كِلّ الْعَارِفِيْنِيْ

مِنْ يِشُوْح الْقَلْب يِتْبَاطَى جِمُوْحه