سِدُوْل اللَّيْل هَيّهْ وِ النِّجُوْم رْمَاحْ
وْدِرْعِيْ هَمِّيْ الثَّابِتْ عَلَى الْهَيّهْ
لِبِسْت مْن الْمِوَاجِعْ وِ الْوِنِيْن وْشَاحْ
وْ لِيْ هِمِّهْ وْحَرْب اللَّيْل وَحْشِيّهْ
كَأنِّيْ وِسْطَهَا سَامِعْ نِدَا وِصْيَاحْ
وْ ثَارِيْهَا جِرُوْحٍ دَوْم مَخْفِيّهْ
أنَا كَيْف أنْتِصِرْ دَامْ السِّلاحْ جْرَاحْ
وَ انَا مَا عِنْدِيْ جْنُوْدٍ فِدَاوِيِّهْ
ضِعِيْف الْحَالْ وِ الْمِدْمَعْ لا مِنّهْ سَاحْ
يِنَوِّخْ بِالْعِزَايِمْ وَ ارْفَعْ ايْدَيّهْ
أبَسْتَسْلِمْ مَادَامْ انّ الْجِرَاحْ سْلاحْ
وْ بَاعْلِنْ بِالْهِزِيْمِهْ وَ اخْسَرْ الْهَيّهْ