فِيْ صَوْت زَخَّاتْ الْمِطَرْ
نَفْحٍ رِذَاذِهْ غَايِبِيْن
يَا طَارِشِيْ شِلّ الْخِبَرْ
وِ ازْقِرْ غَرَامْ الْعَاشِقِيْن
قِلْ لِهْ عَلَى الْمَوْعِدْ حِضَرْ
وِاحْنَا لِعَيْنِهْ حَاضِرِيْن
نِمُوْت فِيْه وْ نِحْتِضِرْ
وْ يِرْجَعْ يِصَحِّيْنَا الْحَنِيْن
واللَّى تِبَقَّى مِنْ عِطِرْ
خَالِيْ رِذَاذِهْ يَاسِمِيْن
خَلاص عَدَّيْنَا الْخِطَرْ
وِ (دْبَيّ) تَمْطِرْنَا حَنِيْن
شَوْق ٍ إذَا هَلّ الْمِطَرْ
غَنَّى صِبَاحْ الْمِغْرَمِيْن