أقْرَاكْ وَاتْهَجَّاكْ وَاعْرِبْك

                 وَابْنِيْ عَلَى مَبْنَاكْ مَعْنَاكْ

وِانْ قِلْت فِيْك الْقَول يَعْجِبْك

                 حِبِّكْ كِنَايَةْ قَلْب يِهْوَاكْ

كَيف أسْتِعِيْرِكْ دَوم وَاحْجِبْك

                 فِيْ الْمِسْتِتِرْ وِالنَّايِبْ أخْفَاكْ

مَفْتُوح لِيْ فِيْ الْوِدّ مَنْصِبْك

                  مَنْصُوب وِالْمَضْمُوم لَبَّاكْ

فِيْ حَالَةْ التَّسْكِين أسْلِبْك

                  عِلِّةْ وِصَال ٍ .. وِاتِّخَطَّاكْ

فِيْ الأبْجِدِيْ ألْف ٍ أرَتِّبْك

                وِالْبَاقِيْ حْرُوف اتِّجَدَّاكْ

فِيْ الْمِبْتَدَا لِيْ بَانْ مِذْهَبْك

                مِثْل الْخَبَرْ مَرْفُوع مَبْدَكْ