قَهْوَةْ كَيْف

فَزّ لِكْ قَلْبِيْ مَا هِيْ بَايَّاتْ فَزّهْ

فَزَّةْ اللَّى بَشِّرَوْه بْشَوْف غَالِيْ

مِنْ تِقَهْوَيْتِكْ غِدَا لِلْكَيْف حَزّهْ

صِبّ فِنْجَالْ الْغَلا وِاجْلِسْ قِبَالِيْ

وِاسْقِنِيْ بِيْدَيْك مِنْ كَاسْ الْمَعَزّهْ

غَالِيٍ يَسْكِبْ غَلاهْ بْعَيْن غَالِيْ

اللّه اللَّى حَطّ لِكْ قَدْر وْمَعَزّهْ

قَبْلِكْ إحْسَاسِيْ مِنْ الأشْوَاقْ خَالِيْ

جَاكْ قَلْبِيْ عِقُبْ ضَيْم الْوَقْت.. عِزّهْ

لا تِذَوِّقْه الْعَنَا يَا رَاسْ مَالِيْ

وْ كَانْ عِنْدِكْ لِلْمِفَارَقْ عِلْم وَزّهْ

مَابِيْ الْفَرْقَا عَسَى مَا هِيْ بْفَالِيْ